Vai ai contenuti

Comune di Ploaghe

Foto di Ploaghe Foto di Ploaghe
Costume tradizionale Chiesa San Pietro
Candelieri di PloagheCandelieri di Ploaghe
 
Sei qui: HOME » Isportellu »

Isportellu linguìsticu

subracomunale

S'Isportellu Linguìsticu faghet parte de unu dissignu de sa Presidèntzia de su Consìgiu de sos Ministros in cunforma a sa Lege 482/1999 "Amparu de sas minorias linguìsticas istòricas".

Ite est?
Est un'ufitziu chi amparat sa limba e sa cultura de sa Sardigna.

Ite faghet?
Traballat pro chi sa limba sarda siat impreada de fitianu:
Iscriet in sardu sos atos pùblicos de s'amministratzione e sas comunicatziones a sa populatzione, ponet in òpera progetos cun sas iscolas, cun sas ludotecas e cun sos assòtzios culturale.
Su coordinamentu iscientìficu est de s'Istitutu de Istùdios e Chircas "Camillo Bellieni" de Tàtari.

Comente?
Pro s'impreu iscritu de sa limba s'Isportellu Linguìsticu impreat a manera isperimentale sas normas linguìsticas de referèntzia "Limba Sarda Comuna" (LSC) chi at aprovadu sa Regione.



  • Lingua sarda, domenica la consegna degli attestati ai corsisti dell’Istituto Bellieni

    Publicadu su 10 12 2016

    Grande incontro di chiusura a Ploaghe per tutti i corsisti dell’Istituto di studi e ricerche Camillo Bellieni di Sassari.

    L’11 dicembre l’appuntamento è con “L’ischis ma no l’ischis” al Convento di Sant’Antonio dove, a partire dalle nove del mattino, saranno presentati i risultati dei corsi di lingua e cultura sarda realizzati in numerosi comuni del territorio.


  • Cursu de Limba e Cultura Sarda avantzadu

    Publicadu su 30 11 2016

    Bos damus a ischire chi su 1 de Nadale de su 2016 a sas 18:00 at a comintzare, in su Tzentru Sotziale, su Cursu de Limba e Cultura Sarda de 10 oras de livello avantzadu promòvidu dae s’isportellu linguìsticu paris cun s'Istitutu de Istùdios e Chircas "Camillo Bellieni" de Tàtari, sòtziu culturale cun prus de 25 annos de esperièntzia in àmbitu linguìsticu, formativu e culturale.
    Su cursu est a s'indonu e abertu a tota sa populatzione.
    Pro partetzipare si podet imbiare una mail cun su nùmene, su sambendu e su nùmeru de telèfono a s'indiritzu isportellupiaghe@gmail.com

     


  • Cursu de Limba e Cultura Sarda

    Publicadu su 7 10 2016

    Bos damus a ischire chi su 14 de Santugaine de su 2016 a sas 18:30 at a comintzare, in su Tzentru Sotziale, su Cursu de Limba e Cultura Sarda de 15 oras promòvidu dae s’isportellu linguìsticu paris cun s'Istitutu de Istùdios e Chircas "Camillo Bellieni" de Tàtari, sòtziu culturale cun prus de 25 annos de esperièntzia in àmbitu linguìsticu, formativu e culturale.
    Su cursu est a s'indonu e abertu a tota sa populatzione.
    Pro partetzipare si podet imbiare una mail cun su nùmene, su sambendu e su nùmeru de telèfono a s'indiritzu isportellupiaghe@gmail.com intro su 13 de Santugaine o tocat a si presentare a s’isportellu linguìsticu martis 11 de Santugaine dae sas 9 a sas 12:30 (c/o ufìtziu de sos Servìtzios Sotziales).


  • Mèrcuris 10 de Austu 2016 presentada de su libru "Prèigas" de Gavino Spanedda a incuru de Michele Pinna

    Publicadu su 9 08 2016

    S’Isportellu Linguìsticu de Piaghe, s’Amministratzione Comunale cun sa collaboratzione de s’Istitutu de Istùdios e Chircas “Camillo Bellieni” de Tàtari

    in s'ocasione de sa VII editzione de su Fèstival de Cantos e Sonos ammaniadu dae Su Coro de Piaghe

    bos invitant a sa presentada de su libru
    "Prèigas" de Gavino Spanedda a incuru de Michele Pinna

    Mèrcuris 10 de Austu 2016 a sas 21
    Cunventu S.Antoni, Piaghe.

    Ant a intervènnere:
    > GIOVANNI SALIS: Delegadu a sa Cultura de sa Comuna de Piaghe
    > MARIA DOLORETTA LAI: Operadora de s’Isportellu Linguìsticu de Piaghe e Presidente de s’Istitutu de Istùdios e Chircas “Camillo Bellieni” de Tàtari.
    > MICHELE PINNA: Curadore de su libru e Diretore iscientìficu de s’Istitutu de Istùdios e Chircas “Camillo Bellieni” de Tàtari

    In su libru bi sunt duas prèigas e una chistionada,totu in sardu, de Monsignor Gavinu Spanedda (Piaghe 1916 - 2011): sa prima fata in Itiri, sa Chenàbura Santa de su 1978 pro sa funtzione de s’Iscravamentu, s’àtera fata a Bunnànnaru pro sa Festa de su Patronu, Santu Jolzi, in su 1979.

    Sa chistionada in sa ràdio, de su 1978, ammentat Giovanni Paolo I (Papa Luciani).

    Bos isetamus in meda!



  • ATIVIDADES DE ANIMATZIONE IN SARDU PRO SOS PITZINNOS DAE SOS 6 A SOS 10 ANNOS

    Publicadu su 14 06 2016

    ATIVIDADES DE ANIMATZIONE IN SARDU AMMANIADAS DAE M.DOLORETTA LAI OPERADORA DE S’ISPORTELLU LINGUÌSTICU DE SU COMUNE.

    CHIE PODET PARTETZIPARE? SOS PITZINNOS DAE SOS 6 A SOS 10 ANNOS                      

    IN UE SI FAGHENT SAS ATIVIDADES? IN SU GIARDINU DE SA BIBLIOTECA

    CANDO? MARTIS 14-21 E 28 DE LAMPADAS 2016 DAE SAS BATOR E MESA A SAS SES E MESA DE SERO (16:30-18:30)

    POSTOS  A DISPONIMENTU: 20. (Iscritziones in Comune (Ufìtziu servìtziu sotziale) martis 14 a mangianu dae sas 9 a sas 12:30)

  • Monumentos abertos - Piaghe 28/29 de Maju de su 2016

    Publicadu su 28 05 2016

    Monumentos abertos
    Piaghe 28/29 de Maju de su 2016

    Piaghe 
    ghia a sos monumentos

    Informatziones de importu

    Sos monumentos s’ant a pòdere visitare a indonu su sàbadu a borta de die dae sas 16 a sas 20 e sa domìniga dae sas 9 a sas 13 e dae sas 15 a sas 18.
    Pro sa bìsita a sos giassos diat èssere mèngius a si bestire a discansu.
    Sas bìsitas a sas crèsias s’ant a firmare in su mentres de sas funtziones religiosas.
    Pro cale si siat motivu ligadu a sa sicuresa sos responsàbiles de sa manifestazione podent detzidere de fàghere agabbare sas bìsitas a sos monumentos. In carchi giassu sa bìsita non s’at a pòdere fàghere cumpleta pro motivos organizativos.

    Leant parte a sa manifestatzione: 
    Comuna de Piaghe
    Istitutu Comprensivu S.Satta-A.Fais
    Pro Loco Piaghe
    P
    arròchia Santu Pedru Apòstolu
    Sos sotzios locales

    Email:
    sindaco@comune.ploaghe.ss.it
    f.salariu@comune.ploaghe.ss.it
    g.salis@comune.ploaghe.ss.it


  • Chenàbura 27 de maju s’inauguratzione de s’artista napuletanu Guido Colucci

    Publicadu su 27 05 2016

    Chenàbura 27 de maju, a sas 17.30, in s’ ex Cunventu de sos Caputzinos in una curnisa bella de a beru, sa Comuna de Piaghe, in cullaboratzione cun sa Carlo Delfino Editore, cun sa Pro Loco e sa Biblioteca Comunale, presentat sa mustra de intzisiones ammaniadas in sa prima metade de su ’900 dae s’artista napuletanu Guido Colucci subra de su costùmene sardu. A s’inauguratzione ant a partetzipare: s’editore Carlo Delfino e Lorenzo Porcu responsàbile de sas relatziones de fora de sa Carlo Delfino Editore e su delegadu a sa cultura Giovanni Salis de sa Comuna de Piaghe, Cosimo Fiori presidente de su Grupu Folk Salvatore Manca. Pustis at a èssere proietadu su documentàriu de s’ Istitutu Luce “ La Sardegna del’900 memorie di un secolo” (Sa Sardigna de su’900 ammentos de unu sèculu).
    Sa mustra, chi s’at a pòdere bisitare finas a su 11 de làmpadas, nos contat su traballu mannu e de importu fatu dae Guido Colucci in sos annos ’20 e ‘30 cando est bènnidu unas cantas bortas a istare in Sardigna.

    incisione Ploaghe-Dorgali


  • Gioja su 26 de Maju ispetàculu "Alternos... sa rivolutzione de s’ànima" subra de Giommaria Angioy

    Publicadu su 26 05 2016

    Gioja su 26 de Maju ispetàculu "Alternos... sa rivolutzione de s’ànima" subra de Giommaria Angioy

    ALTERNOS... SA RIVOLUTZIONE DE S’ÀNIMA
    Ispetàculu teatrale subra sa vida de Giommaria Angioy
    Iscritu e interpretadu dae Gian Giorgio Cadoni
    Cun Michele Garofalo
    Regia de Sara Canu
    Tècnicu de su sonu Peppino Anfossi
    Intrada 5€

    ispetàculu "Alternos... sa rivolutzione de s’ànima"


  • OTIERI: LITERADURALIMBA, MUSTRA E FESTA DE SA LITERADURA SARDA

    Publicadu su 18 12 2012

    Seis    totu cumbidados a s'initziativa "Literaduralimba" chi    semus ammanizende in Otieri su 20 e 21 de Nadale in sa ex tzentrale  elètrica in carrela de Veneto.

     

     


  • IN GADDURA SA DE SETE CUNFERÈNTZIAS REGIONALES DE SA LIMBA SARDA

    Publicadu su 4 12 2012

    Sàpadu 1 e domìniga 2 de nadale in Agghius s’est tenta sa cunferèntzia Regionale annuale de sa Limba sarda.

    Ocannu sa Regione at detzisu de intitulare sa prima die a su teatru e a sos prèmios literàrios sa de duas a sa dibata de sa polìtica linguìstica e a su cunfrontu intre sos operadores linguìsticos .

    Sa punna de sa Regione fiat cussa de  pònnere umpare totu sos chi cun sa limba e pro sa limba traballant.


Prima Precedente 1 2 3 Ultimo

 
Torna su