Menu di navigazione

Isportellu

S'Isportellu Linguìsticu faghet parte de unu dissignu de sa Presidèntzia de su Consìgiu de sos Ministros in cunforma a sa Lege 482/1999 "Amparu de sas minorias linguìsticas istòricas".

Ite est?
Est un'ufitziu chi amparat sa limba e sa cultura de sa Sardigna.

Ite faghet?
Traballat pro chi sa limba sarda siat impreada de fitianu:
Iscriet in sardu sos atos pùblicos de s'amministratzione e sas comunicatziones a sa populatzione, ponet in òpera progetos cun sas iscolas, cun sas ludotecas e cun sos assòtzios culturale.
Su coordinamentu iscientìficu est de s'Istitutu de Istùdios e Chircas "Camillo Bellieni" de Tàtari.

Comente?
Pro s'impreu iscritu de sa limba s'Isportellu Linguìsticu impreat a manera isperimentale sas normas linguìsticas de referèntzia "Limba Sarda Comuna" (LSC) chi at aprovadu sa Regione.

SU SETORE LIMBA SARDA DE SA REGIONE PRESENTAT SU CROS

31 Jul 2012

Su 25 de Trìulas, in sa Biblioteca Regionale de Viale Trieste in Casteddu, est istadu presentadu a totu sos operadores  e espertos de limba sarda, su CROS, est a nàrrere su Curretore Ortogràficu Sardu. Su curretore est istadu ammaniadu pro agiuare totu sos chi cherent iscrìere in limba sarda, siat impreende sa “Limba Sarda Comuna” est a nàrrere sa norma amministrativa Regionale, siat chie cheret iscrìere in cada variedade locale.

Leggi di più

PRESENTADA DE SU LIBRU "L'INCONTRO" DE MICHELA MURGIA

10 Jul 2012

Su 21 de Trìulas a sas noe de sero in su Cunventu betzu de Piaghe s'at a fagher un'abboju pro presentare su libru "L'incontro" de Michela Murgia.

Leggi di più

GIOGOS IN SARDU IN URI

03 Jul 2012

In ocasione de "Sa die de sa legalidade" s'Isportellu paris cun sa ludoteca ant ammaniadu unos cantos giogos in sardu.

Leggi di più

CONTOS DE TÙCARU: MANIGARE E LÈGERE TOTU PARIS

03 Jul 2012

Su 27 de Làmpadas in sa biblioteca de Carzeghe s'est tènnidu s'abboju "Contos de tùcaru". Sa bibliotecària paris cun s'operadora de s'Isportellu linguìsticu ant fatu ascurtare a sos pitzinnos unas cantas contàscias in sardu.

Leggi di più

S'EROE SARDU ZUANNE MARIA ANGIOY INTRAT IN SA LUDOTECA DE ÙSINI

03 Jul 2012

Su 27 de Làmpadas in Ùsini sos pitzinnos de sa ludoteca ant connotu Zuanne Maria Angioy pro mèdiu de unu film fatu dae sos pitzinnos de Bono.

Leggi di più

PRESENTADA DE SU LIBRU "IL CONDAGHE DI SAN MICHELE DI SALVENNOR" IN PIAGHE

26 Jun 2012

Mèrcuris 27 de Làmpadas de su 2012 a sas 19:30 in sa Sala Consigiare in sos aposentos de su “belvedere” in sa Pratza San Pietro at a esser presentadu su libru "Il Condaghe di San Michele di Salvennor" iscritu dae Mauro MAXIA.

 

Ant a faeddare: Su Sìndigu dut. Francesco Baule, su prof. Massimo Pittau chi at a presentare su libru e su Curadore.

In allegadu podes iscarrigare sa locandina.

Leggi di più

IN PIAGHE "ISTIU IN BIBLIOTECA"

12 Jun 2012

S'Amministratzione Comunale paris cun sa Biblioteca Comunale "Giovanni Spano" finas ocannu, ant ammaniadu unas cantas atividades numenadas "s'istiu in Biblioteca", duas bortas a sa chida, ant a èssere postos in òpera laboratòrios didàticos, leturas animadas e abojos culturales (aperitivos literàrios), totu custu pro fàghere a modu chi sos pitzinnos andent in biblioteca finas in istiu;

Sos abojos ant a èssere fatos o a su friscu fora dae sa biblioteca o in sos aposentos de intro.

Duas bortas sa chida, pro sos meses de Làmpadas e Trìulas, a comintzare dae su 7 de Làmpadas, bos aisetamus in sas dies iscritas suta:

su martis s'ant a fàghere sos laboratòrios didàticos e sas leturas pro sos pitzinnos de totu sas edades;

su gioja o sa chenàbura: "Aperitivos Literàrios", abojos cun sos autores e presentatzione de sos libros issoro, dibata e aperitivu fora a su friscu.

Sas atividades sunt a s'indonu e sunt ammaniadas finas cun s'agiudu de s'Informa Giòvanes, sa cooperativa Bisos, giòvanes volontàrios e dutores volontàrios.

Leggi di più
torna all'inizio del contenuto