Oe, su 2 de Santugaine est sa festa de sos nonnos! Prata in sos pilos e oro in su coro!

Grande incontro di chiusura a Ploaghe per tutti i corsisti dell’Istituto di studi e ricerche Camillo Bellieni di Sassari.

L’11 dicembre l’appuntamento è con “L’ischis ma no l’ischis” al Convento di Sant’Antonio dove, a partire dalle nove del mattino, saranno presentati i risultati dei corsi di lingua e cultura sarda realizzati in numerosi comuni del territorio.

Gioja su 26 de Maju ispetàculu "Alternos... sa rivolutzione de s’ànima" subra de Giommaria Angioy

ALTERNOS... SA RIVOLUTZIONE DE S’ÀNIMA
Ispetàculu teatrale subra sa vida de Giommaria Angioy
Iscritu e interpretadu dae Gian Giorgio Cadoni
Cun Michele Garofalo
Regia de Sara Canu
Tècnicu de su sonu Peppino Anfossi
Intrada 5€

Seis    totu cumbidados a s'initziativa "Literaduralimba" chi    semus ammanizende in Otieri su 20 e 21 de Nadale in sa ex tzentrale  elètrica in carrela de Veneto.

Sàpadu 1 e domìniga 2 de nadale in Agghius s’est tenta sa cunferèntzia Regionale annuale de sa Limba sarda.

Ocannu sa Regione at detzisu de intitulare sa prima die a su teatru e a sos prèmios literàrios sa de duas a sa dibata de sa polìtica linguìstica e a su cunfrontu intre sos operadores linguìsticos .

Sa punna de sa Regione fiat cussa de  pònnere umpare totu sos chi cun sa limba e pro sa limba traballant.

S'Isportellu Linguìsticu paris cun sa Biblioteca Comunale at ammaniadu "Faghimus unu libru" laboratòriu pro sos pitzinnos dae sos 6 a sos 9 annos.

Su 10 de su mese de Nadale a sas chimbe de borta de die in sa Biblioteca Comunale dae pabiru, colla e colores ant a nascheres libreddos chi contant de janas e maghia.

Sas operadras de s’isportellu subra comunale de Piaghe ant comintzadu unu traballu bellu meda cun sos pitzinnos de s’iscola de s’infàntzia de Uri, su nùmene de su progetu est “Colores e traditziones” sas oras de su progetu sunt 10 pro ogni classe, sas classes chi ant aderidu sunt in totu 3.

Sa punna de su progetu est cussa de fàghere a connòschere a sos pitzinnos sas traditziones de sa bidda issoro, faeddende in limba.

Sas letziones si tenent ogni gioja mangianu 

Dae su 17 de Santugaine in Codronzanu s'Isportellu Linguìsticu at a esser collocadu in sa Biblioteca Comunale e no in su Comune.

S’Isportellu Linguìsticu paris cun sas bibliotecas comunales de Piaghe, Carzeghe e Codronzanu at ammaniadu Santu Gaine in limba: sas operadoras pro mèdiu de su giogu e de su divertimentu cherent fagher a manera chi sos pitzinnos s’acurtzient a sa limba sarda. 

S’isportellu linguìsticu paris cun sa biblioteca comunale, in ocasione de sa “Festa de sos letores”, promòvida dae s’Assòtziu de "Presidi del libro", ant ammanidu un’aboju numenadu“Contàscias in biblioteca”.

Gioja 9 de Austu, s’Isportellu Linguìsticu paris cun sa Ludoteca de su Comune de Ùsini ant aprontadu unos cantos giogos in limba sarda pro sos pitzinnos.

Si faghet ischire a totu chi sa biblioteca "giovanni spano" e s'informagiòvanes de piaghe ant a vacare dae su 13.08.2012 a su 24.08.2012.

Sos servìtzios ant a torrare a abèrrere a manera regulare su 27 de austu.

Bonas fèrias a totus.

Su traballu de chirca chi pertocat Giommaria Solinas “Giarrete” punnat a connòschere una pessone nòdida in Piaghe, issu vivet finas oe in sos contos fatos dae sos betzos e dae sos giovanos in su foghile o in carrela. Medas sunt sas paristòrias chi pertocant custu personàgiu, segundu su chi narat sa gente issu fiat unu majàrgiu bonu.

Chenàbura 24, Sàpadu 25 e Domìniga 26 de Austu in s’hotel Catalunya de S’Alighera s’at a tènnere sa prima Cunferèntzia Internatzionale de sas Natziones sena Istadu.

Dae su 26 de Trìulas a su 6 de Cabuadanni sos pitzinnos de Carzeghe ant a poder giogare in limba sarda.

Su presidente de sa Regione, Ugo Capellacci, at propostu a sa Giunta una delìbera pro pòdere impreare su bilinguismu finas in s’istemma ufitziale de sa Regione Autònoma de sa Sardigna. 

Su 25 de Trìulas, in sa Biblioteca Regionale de Viale Trieste in Casteddu, est istadu presentadu a totu sos operadores  e espertos de limba sarda, su CROS, est a nàrrere su Curretore Ortogràficu Sardu. Su curretore est istadu ammaniadu pro agiuare totu sos chi cherent iscrìere in limba sarda, siat impreende sa “Limba Sarda Comuna” est a nàrrere sa norma amministrativa Regionale, siat chie cheret iscrìere in cada variedade locale.

Su 21 de Trìulas a sas noe de sero in su Cunventu betzu de Piaghe s'at a fagher un'abboju pro presentare su libru "L'incontro" de Michela Murgia.

In ocasione de "Sa die de sa legalidade" s'Isportellu paris cun sa ludoteca ant ammaniadu unos cantos giogos in sardu.