Gioja su 26 de Maju ispetàculu "Alternos... sa rivolutzione de s’ànima" subra de Giommaria Angioy

creato 26 05 2016

ALTERNOS... SA RIVOLUTZIONE DE S’ÀNIMA
Ispetàculu teatrale subra sa vida de Giommaria Angioy
Iscritu e interpretadu dae Gian Giorgio Cadoni
Cun Michele Garofalo
Regia de Sara Canu
Tècnicu de su sonu Peppino Anfossi
Intrada 5€

ispetàculu "Alternos... sa rivolutzione de s’ànima"

Gioja su 26 de Maju ispetàculu "Alternos... sa rivolutzione de s’ànima" subra de Giommaria Angioy

Pro ammentare su 28 de Abrile, Sa Die De Sa Sardigna, sa Cumpagnia Teatrale “La Luna Antica” umpare cun sa Comuna e sa Pro Loco de Piaghe, bos invitant a bìdere s’ispetàculu "Alternos...sa rivolutzione de s’ànima/ Alternos…I moti dell'anima"), unu traballu de contos e mùsica chi faeddat de Giommaria Angioy, nòdidu comente s’òmine sardu de sa rivolutzione, chi at fatu a manera de nche bogare dae sa Sardigna sos Piemontesos e sa prepotèntzia issoro su 28 de Abrile de su 1794.
S’ispetàculu, iscritu dae Gian Giorgio Cadoni cun sa diretzione de Sara Canu, rapresentat sos momentos de custu bìagiu de s’Alternos faghinde·nos connòschere sos fatos polìticos cun atentzione manna mescamente a cussas sas emotziones profundas chi ant mòvidu a custas tareas pro pensare a una Sardigna lìbera dae unu malefadadu guvernu fatu de umiliatziones e prepotèntzias e malos usos chi ant fatu male a totu sos òmines e sas fèminas de Sardigna pro francu a sos piemontesos chi ant bisastradu totu.Ma ite pòdiat fàghere cust’òmine contra a sa fortza de sos fusiles?
In s’ispetàculu su pessonàgiu printzipale, Gian Giorgio Cadoni, contat sa vida sua a sonu de sa mùsica de Michele Garofalo che ressesit a fàghere a cumprendere sas emotziones e sas contradditziones, sa vida intrea de s’Alternos, una vida difitzile ma bella a su matessi tempus
Paràulas e mùsica rapresentant, umpare, sos fatos de custa istòria cun sas emotziones e sas timorias de Giommaria Angioy, un’òmine chi “est istadu a costàgiu de unu eventu de una mannària, prus manna de sos òmines… apo pòtidu intendere dae atesu su nuscu ladinu de sa libertade e de sa giustìtzia..".