Sàpadu 1 e domìniga 2 de nadale in Agghius s’est tenta sa cunferèntzia Regionale annuale de sa Limba sarda.

Ocannu sa Regione at detzisu de intitulare sa prima die a su teatru e a sos prèmios literàrios sa de duas a sa dibata de sa polìtica linguìstica e a su cunfrontu intre sos operadores linguìsticos .

Sa punna de sa Regione fiat cussa de  pònnere umpare totu sos chi cun sa limba e pro sa limba traballant.

Sa cunferèntzia est comintzada sàpadu in su tzentru polifuntzionale de sa bidda, a sas noe e mesa de mangianu, cun su saludu e sa relata de s’Assessore Sergio Milia, sos traballos sunt a pustis sighidos cun su tema de su teatru in limba
sarda, chi est passende unu mamentu pagu bellu;

A Borta de die s’est passadu a faeddare de literadura e de su prèmiu de Othieri.

Domìniga sa die est comintzada cun su Diretore de s’ufìtziu limba sarda de sa Regione Dut. Corongiu, sa paràula est poi
passada a mangianu a iscritores e istudiosos chi ant naradu s’issoro pro cantu pertocat su bilantzu e sas istrategias de su movimentu linguìsticu, totu sos relatores sunt istados ghiados dae Diego Corraine, a borta de die ant sighidu sos operadores de sos isportellos linguìsticos ghiados dae Cristiano Becciu chi ant fatu proposta pro poder megiorare su traballu issoro.