OTIERI: LITERADURALIMBA, MUSTRA E FESTA DE SA LITERADURA SARDA
creatoSeis totu cumbidados a s'initziativa "Literaduralimba" chi semus ammanizende in Otieri su 20 e 21 de Nadale in sa ex tzentrale elètrica in carrela de Veneto.
In custas dies ant a esser mustras de libros e materiales didàticos a incuru de sos editores sardos (domus de janas, condaghes, papiros, edes, grafica del parteolla, iskra, alfa, della torre, delfino).
B'ant a èssere abojos de iscritores e editores cun sos pitzinnos de sas iscolas elementares e mèdias. Ant a èssere presentados libros e promòvidos laboratòrios didàticos dae sos operadores linguìsticos de sa Provìntzia de Nùgoro e de Tatari.
S'at a fàghere finas unu ammentu pro Gianfranco Pintore cun una resada de branos bogados dae s'òpera sua "Su Zogu" cun intramesos musicales de su musicista Gianluca Dessì.
Pro congruire b'at a èssere unu cunvegnu subra sa literadura sarda cun chistiones, pàrreres e sentidos.
In allegadu b'est sa locandina in ue si podet lèghere su programma cumpletu