PRIMA CUNFERÈNTZIA INTERNATZIONALE DE SAS NATZIONES SENA ISTADU
creatoChenàbura 24, Sàpadu 25 e Domìniga 26 de Austu in s’hotel Catalunya de S’Alighera s’at a tènnere sa prima Cunferèntzia Internatzionale de sas Natziones sena Istadu.
Literaduras, Limbas, Polìtica Linguìstica, fiscu e protzessos de indipendèntzia in s’Europa de su III millènniu, ant a esser sas chistiones tratadas dae sos relatores chi benint dae divèscias Natziones pro faeddare de sas cunditziones issoro.
Sa prima die a mangianu s’at a faeddare de sa “Figura de Dino Giacobbe”, a parte de sero su tema tratadu at a esser “Fiscu e riformas istitutzionales”, tota sa segunda die at a esser dedicada a “sa limba e a sa literadura”, s’at a finire sa Domìniga faeddende de “Sos protzessos de indipendèntzia e de riorganizatzione de sa istatualidade in intro de s’Unione Europea”.